Es is jetzt scho a Zeit lang her
Da hat dei Mama gsagt: es wär
Jetzt soweit, des san die Wehen
Des Kind wills Licht der Welt jetzt sehn.
Erst hast gschrian, a bisserl gspuckt
Manchmal hats di im Baucherl druckt
S Leben is net leicht fia a klans Kind
Drum werd ma groß und des ganz gschwind.
Und heit wünsch ma zum Geburtstag dir des Beste
An ganz großen Kuchen und net nur die Reste
Gute Freund sollst ham und hautnahe Liebe
Und no im Alter junge grüne Triebe.
Mir wünschen dir an langen Atem fia die Quäler
Und an guat bestückten leiwanden Weinkeller
An frischen Wind sollst ham um deine Ohren
Und fühlst di manchmal einsam und verlorn
Wia a klanes Fischerboot im weiten Meer
Dann wünsch ma dir an großen Leuchtturm her.
Die Schulzeit hast dann umebogn
Manchmal bist a aufs Goscherl gflogn
Vorsätz hast gfasst, dann drauf vergessen
Manchmal gschimpft, dann einegfressn.
Bist niedergfalln, wieder aufgstandn
Hoch gflogn um irgendwo zu landen
Kennst Yin und Yang und Schwarz und Weiß
Herzklopfen und Ausbruch von Schweiß.
Und heit wünsch ma zum Geburtstag dir der/dem Besten
A wasserdichte, kugelsichere Westen
Humor soll dir die schwarzen Tage lichten
Und Phantasie die lecken Stellen dichten.
Mir wünschen dir an warmen Ofen fia dein Winter
Und wannst es eilig hast an Gepardn als Sprinter
Und ans is wichtig, dassd es bitte net vergisst:
Wannst net geborn wärst, hätt ma di da heut vermisst
Und drum wünsch ma zum Geburtstag dir vü Glück
Und vom Kuchen heit des allerbeste Stück.